İsmayıllı rayon Hacıhətəmli kənd icra nümayəndəsi haqqında deyilənlərə dərhal reaksiya verdi - Video-Foto faktlar
Bu ilin may ayından etibarən Hacıhətəmli kəndində su problemi yaşanır.Havalar isindikcə bu problem daha da dərinləşir.Əhali içməyə daxil olmaqla, mal-qarası üçün gerçəkdən su tapa bilmir.Sakinlər dəfələrlə yerli icra nümayəndəliyinə, bələdiyyə şurasının sədri və üzvlərinə müraciət edərək kömək istəyirlər.Hər dəfə də arxayın olun, rayon rəhbərliyinə məruzə olunub, yaxın günlərdə problem həll olunacaq deyərək əhalini sadə dildə desək yola veriblər.
Əslində nə baş verir.
Bu günlərdə kənd sakinləri təqaüdçü müəllimlər Şahlar Əhmədov, Fəzayıl İsmayılov və Səməd İsmayıllı rayon icra hakimiyyətinin başçısı cənab Nahid Bağırovun qəbuluna gedərək baş verənləri detallarına kimi diqqətə çatdırmışlar.Bu görüşdən cəmisi iki ya üç gün sonra şəxsən başçının göstərişi ilə problem həll olunmuş və su problemi yaşayan kəndin bir hissəsi su ilə təmin olunmuşdur.Ancaq bu problemlə bağlı kənd icra nümayəndəliyi və bələdiyyə rəhbərliyə hər hansı müraciət etməmişdir.Deməli,uzun yay günlərində ancaq əhaliyə yalan söyləməklə məsuliyyətdən kənarda qalmağa nail olmuşlar.
Bəli, bunun bir adı var.Vəzifə hərəkətsizliyi.Yəni vəzifəsinin öhdəsindən gələ bilməmək,ya da hansısa kənar təsirlərin nəticəsində işinə laqeyd münasibət.
İcra nümayəndəsi cənab Nazim Ağakişiyev bu məlumatdan dərhal sonra saytımıza bəzi video görüntülər və fotolar göndərdi.
Əvvəla hörmətli Nazim müəllimin diqqətinə çatdırmaq istəyirik ki, kənddə su problemi hələ may ayından başlayıb.Sonrası da həmin Ruşan kəndində qeydə alınan su nohuru da elə həmin dönəmlərdə təşkil olunub.Yəni Hacıhətəmli kəndinə gedən su xətti may ayının əvvəlində deşilib və belə bir göl əmələ gəlib.Bəs hörmətli nümayəndə bu haqda rayon rəhbərliyinə, yaxud prokurorluğa müraciət edibmi?Axı qanunvericilik qaydalarına görə yaşayış massivlərinə gedən su xəttlərinə qanunsuz və icazəsiz olaraq müdaxilə ya qoşulma, cinayət məsuliyyəti nəzərdə tutur.Niyə müraciət etməmisiniz,hörmətli nümayəndə?
Video çarxdan göründüyü kimi suyun mənbəyində itkiyə səbəb olacaq kənar axıntılar var ki, bu da öz növbəsində su itkisinə səbəb olur.Niyə mənbədə hər-hansı təmir ya toplama,yığma proseduru aparılmayıb?
Sizin Ruşan kənd icra nümayəndəsinə yazmış olduğunuz məktub 12 avqust 2021- ci il tarixində yazılıb.Çox tələsmisiniz,gözləyəydiniz dekabr ayında məktub yazardınız.Niyə bu vaxtadək müraciət etməmisiniz?
Bunun da bir adı var.İnsanları dövlətdən,dövlətçilikdən çirgindirmək,vətəndaşlar və hakimiyyət qurumları arasında inamsızlıq yaratmaq və yekunda vətəndaşları qeyri-qanuni üsullardan istifadə etməyə vadar etmək.Məsələn:Yolu bağlamaq, mərkəzi hakimiyyət orqanlarının qarşısında aksiyalar, kütləvi şikayət, kütləvi informasiya vasitələrinin işə cəlb olunması və mənfi imicin formalaşdırılması.Niyə,kimdir günahkar? Əgər yerli nümayəndəlik, bələdiyyə vaxtında tədbir görsəydi, vəziyyət bunca əndazədən çıxmazdı.
Bu problem barəsində bizim də bilgilərimiz var.Xahiş edirik ki,əlinizdə olan faktlar barəsində məlumat verəsiniz.Məsələ barədə rayon prokurorluğuna müraciət edəcəyik.
Araşdırmalarımız davam edir.Yazıda adları çəkilən şəxslərin də mövqeyini dərc etməyə hazırıq.Bir daha qeyd etmək istəyirik ki,kəndlərdə icra nümayəndələri və bələdiyyə şuraları işləmir.Əhalini rayon rəhbərliyindən narazı salanlar məhz bunlardır.Rayon boyu bütün nümayəndəliklər və bələdiyyələr barəsində araşdırma aparacağıq.
Azinfo.tv-Kendtv.info
