Şəki sakini intihar edəcəyinin anonsunu verdi - Video
Şəki şəhər sakini İlyas Həsənov onu incidən dövlət qurumları barəsində sərt ittihamlar irəli sürərək bildirdi ki, ölkə vətəndaşlığından imtina edəcək.Çünki bu ölkədə qanunlar işləmir.
Mən Şəki şəhərində yaşayıram.Müəllim işləyirəm.Azərbaycanda xalq hərəkatının öncüllərindən olmuşam.1990-cı illərdə rus əsgərlərindən silah-sursat oğurlayıb, könüllü özünümüdafiə dəstələri,batalyonları yaratmışıq.Buna görə bir müddət həbsdə də olmuşam.Qarabağ döyüşlərində iştirak etmiş, vuruşmusam.Döyüşlərdə ağır kantuziya aldığıma görə bir müddət Rusiyada müalicə olunmuşam.
2012-ci ildən məhkəmələrdə vuruşa-vuruşa veteran adımı bərpa etmişəm.İndi də 2018-ci ildən üzü bəri məhkəmə yollarında qalmışam.Bütün sənədlərim qaydasında olduğu halda nazir Sahil Babayevin göstərişi ilə mənə əlillik dərəcəsi təyin etmirlər.
Mən belə davam edərsə, Azərbaycan respublikasının vətəndaşlığından imtina edəcəyəm,ya da ki, rayon mərkəzində üstümə benzin tökərək intihar edəcəyəm.
Bu ölkədə qanunlar işləmir.Sahil Babayevin damarlarından inanmıram ki, azərbaycanlı qanı axır.Çünki insanların haqqına girib, insanların çörəyinə bais olub.
Redaksiyadan:Yazıda adları çəkilən şəxslərin də mövqeyini dərc etməyə hazırıq.Sonda vətəndaşın Video müraciətinə baxdıqdan sonra paylaşmağı unutmayın.
Azinfo.tv-Kendtv.info
