Elmi-Tədqiqat Ağciyər Xəstəlikləri İnstitutunda çalışanların maaşları verilmir.

Gundem.media xəbər verir ki, bu barədə Korrupsiya.com-ın redaksiyasına institutda çalışanlar tərəfindən müraciət daxil olub.

İddia edilir ki, artıq 15 gündür ki, əməkdaşların maaşları verilmir.

Buna səbəb kimi isə institutun sabiq direktoru Həqiqət Qədirovanın işdən azad olunduğu gün Elmi-Tədqiqat Ağciyər Xəstəlikləri İnstitutunun elektron məlumat bazasını qəsdən silməsi olub.

Məsələ ilə bağlı Tibbi Əraziləri İdarəetmə Birliyinə (TƏBİB) sorğu ünvanladıq. TƏBİB-dən Korrupsiya.com-ın sorğusuna cavab olaraq bildirilib ki, Elmi-Tədqiqat Ağciyər Xəstəlikləri İnstitutunda aparılan struktur dəyişikliyi ilə əlaqədar elektron imzanın alınması və təsdiqlənməsi prosesi ilə bağlı əməkhaqlarının ödənilməsində texniki gecikmə yaranıb. Əməkdaşların əməkhaqlarının bu gün ödənilməsi nəzərdə tutulub.