Avropa Liqası: “Qarabağ” bu gün cavab oyununa çıxacaq
![Avropa Liqası: “Qarabağ” bu gün cavab oyununa çıxacaq Avropa Liqası: “Qarabağ” bu gün cavab oyununa çıxacaq](https://olke.az/photo/770x415/2023/08/17/1692248679_236ea99d-6088-3b02-b005-160202bacd43.jpg)
“Qarabağ” bu gün UEFA Avropa Liqasının III təsnifat mərhələsində cavab oyununu keçirəcək.
“Report”un məlumatına görə, Qurban Qurbanovun baş məşqçi olduğu komanda Finlandiyada HIK-in qonağı olacaq.
“Bolt Arena”da baş tutacaq qarşılaşma Bakı vaxtı ilə saat 20:00-da start götürəcək. Görüşü Fransadan olan FIFA referisi Villi Delajod idarə edəcək. İlk oyunda Azərbaycan təmsilçisi 2:1 hesabı ilə qalib gəlib.
UEFA Avropa Liqası, III təsnifat mərhələsi
Cavab oyunu
20:00. HIK - “Qarabağ”
Baş hakim. Villi Delajod (Fransa)
Helsinki. “Bolt Arena”
Qeyd edək ki, cütün qalibi növbəti raundda Sloveniya çempionu “Olimpiya” ilə üz-üzə gələcək.