Yaponiya Ukraynaya 5,5 milyard dollar yardım edəcək
“Yaponiya Ukraynaya 5,5 milyard dollar məbləğində yardım edəcək”.
Bu barədə Baş nazir Fumio Kişida dördüncü illik “Tokio: qlobal dialoq” Forumunun açılışında çıxışı zamanı bildirib.
“Biz Ukraynaya 5,5 milyard dollar məbləğində əlavə maliyyə yardımı göndərəcəyik”, - deyə baş nazir söz verib.
O, həmçinin xatırladıb ki, Yaponiya hökuməti son bir ildə Ukraynanı və Ukrayna xalqını dəstəkləyib.
Kişida əmin edib ki, Tokio beynəlxalq ictimaiyyətlə birlikdə Kiyevə hərtərəfli dəstəyini davam etdirəcək.
Mənbə: TASS
