“Formula-1”: Fransalı pilot Bakıdakı yarışı buraxa bilər
“Formula-1” üzrə dünya çempionatında çıxış edən “Alpin” komandasının pilotu Pyer Qasli Azərbaycan Qran Prisini buraxa bilər.
“Report” xəbər verir ki, buna 27 yaşlı fransalı sürücünün Avstraliyadakı yarışda qəza törətməsi səbəb olub.
Qasli komanda yoldaşı Esteban Okonla toqquşub, nəticədə hər iki pilotun bolidi trasdan çıxaraq baryerə çırpılıb. Onlar yarışa davam edə bilməyiblər.
Pyer Qasli qəzada təqsirli bilinsə, iki cərimə xalı alacaq və Bakıdakı Qran Prini buraxacaq. Hazırda onun 10 cərimə xalı var.
“Alpin”in ehtiyat sürücüsü “Formula-2”də mübarizə aparan Cek Duendir.
Qeyd edək ki, Azərbaycan Qran Prisi 28 - 30 apreldə təşkil olunacaq.
