İsmayıllıda Turan istirahət mərkəzi KİV-də dərc olunan yazıya dərhal reaksiya verdi - Gəlin baxın - Video+Fotosessiya
İki gün əvvəl Azinfo.tv-də İsmayıllıda yerləşən Turan istirahət mərkəzində ağacların kəsildiyi və yerində əlavə tikilinin tikilməsi ilə bağlı bir video çarx daxil olmuş və biz də həmin fakta söykənərək bu yazını dərc etmişdik. Yazı dərc olunduqdan dərhal sonra sözügedən obyekt sahibləri narazılıq edərək, gəlin məsələ ilə yerində məşğul olun, deyə müraciət etdilər.
Biz həmin ərazidə olduq və hər bir şeyi detallarına qədər video çəkiliş edərək götürdük.
Əvvəla həmin ərazidə bir dənə də olsun kəsilmiş ağacla ya ekoloji problemlə üzləşmədik. Qeyd olunan tikili ağaclara toxunmadan inşa olunub və əksinə ağacların qorunması və inkişafı üçün orada geniş imkanlar yaradılıb. Əlavə gələcəkdə küləyin ağacları qırmaması üçün dayaq,qorunma vasitələri düzəldilib. Digər tərəfdən tikili öz ecazkarlığı ilə zövq oxşayır və həm yerli, həm də xarici qonaqların daha rahat, daha komfortlu istirahəti üçün nəzərdə tutulmuşdur. İstirahət mərkəzinin lap yanında yerləşən motel müasir standartlara cavab verən ailəvi istirahət üçün çox əlverişlidir. Ümumiyyətlə, Turan restoran və istirahət mərkəzi kimi İsmayıllıda həm təhlükəsizlik baxımından, həm qiymətlərin uyğunluğu baxımından və sair şeylər üçün ən uyğun məkandır.Çünki burası ilin bütün fəsillərində öz füsunkar gözəlliyi ilə zövq oxşayır.
Biz bundan öncəki dəqiqləşdirilməmiş yazımıza görə restoran rəhbərliyindən üzrxahlıq edirik. Eyni zamanda ərazidə olan əsl mənzərəni işıqlandırmağı özümüzün peşə, insanlıq borcu hesab edirik.
Elçin İsmayıllı.
