Sən demə Nurlan Həsəınovla bağlı göndərilən təqdimata “yuxarılar” ona görə “yox” deyib ki...

Abşeron Rayon İcra Hakimiyyətinin başçısı Abdin Fərzəliyevlə baş məsləhətçi Nurlan Həsənov arasındakı səmimi münasibətlər, bu münasibətlərin hər iki şəxsə milyonlar qazandırması heç kimə sirr deyil. Nurlan Həsənov hələ Nərimanov Rayon İcra Hakimiyyətində işlədiyi dövrdə özünə və Abdin Fərzəliyevə qazandırdığı böyük pullarla sübut etdi ki, o, sözün həqiqi mənasında pul qazanmaq ustasıdır. Elə bu səbəbdən də Abdin Fərzəliyev Abşeron Rayon İcra Hakimiyyətinin başçısı postuna təyinat alan kimi, ilk olaraq yanına gətirdiyi adamlardan biri də Nurlan Həsənov oldu. Abdin Fərzəliyevin niyyəti Nurlan Həsənovu özünə müavin eləmək olsa da, o, bu məqsədinə çata bilmədi. Buna səbəb isə Abdin Fərzəliyevin Nurlan Həsənovla bağlı “yuxarıya” göndərdiyi təqdimatın rədd edilməsi olub. Lakin “yuxarfılar” da bu qərarı təsadüfi verməyib.
Nurlan Həsənovla bağlı aparılan araşdırma nəticəsində məlum olub ki, adıçəkilən şəxslə bağlı korrupsiya ilə əlaqəli açıq qalan məhkəmə işi mövcuddur. Məhz bu səbəbdən də “yuxarılar” Abdin Fərzəliyevə Nurlan Həsənovun müavin postu tuta bilməyəcəyini bildirib. Buna görə də Abdin Fərzəliyev Nurlan Həsənovu müavin kimi deyil, baş məsləhətçi kimi işə götürmək məcburiyyətində qalıb.
Əslində bu olay Nurlan Həsənovun Abşeron Rayonm İcra Hakimiyyətində baş məsləhətçi olduğu halda Abdin Fərzəliyevə niyə müavinlərdən daha yaxın olması faktını da izah edir.
Onu da xatırladaq ki, qanunsuz əməlləri Nurlan Həsənovun siyasi kariyerasının inkişafını əngəlləsə də, baş məsləhətçi bu gün də Abşeron torpaqlarının talanması nəticəsində Abdin Fərzəliyevə böyük pullar qazandırmaqda davam edir.
Gələn dəfə Nurlan Həsənovun Abşerin macəraları haqqında daha geniş məlumat verəcəyik.