Ana səhifə   |    Haqqımızda   |    Reklam

Türkiyə vətəndaşlarının Sudandan təxliyəsi üçün səylərini davam etdirir - Çavuşoğlu

Dünya
25 Nis 2023
05:48
Türkiyə vətəndaşlarının Sudandan təxliyəsi üçün səylərini davam etdirir - Çavuşoğlu


Ankara Türkiyə və digər ölkələrin vətəndaşlarının Sudandan çıxarılması üçün səylərini davam etdirir.

Bunu Türkiyənin xarici işlər naziri Mövlud Çavuşoğlu "TV 100" telekanalına müsahibəsi zamanı deyib.

Onun sözlərinə görə, Türkiyə hakimiyyəti 1490 vətəndaşını Efiopiya ərazisi vasitəsilə Sudandan təxliyə edib.

"Sudandan 1 490 nəfəri avtobusla təxliyə etdik. Onlardan 640-ı Efiopiyaya çatıb. 189 nəfər Efiopiya sərhədini keçərək Əddis-Əbəbəyə doğru gedir. Hazırda 850 nəfər yoldadır. Sabah qalan vətəndaşlarımızı avtobusla yola salırıq", - deyə nazir bildirib.
Ətraflı

M.Çavuşoğlu qeyd edib ki, hazırda hava yolu ilə təxliyə marşrutu planlaşdırılır.

Nazir əlavə edib ki, o, təxliyə olunanların Efiopiya sərhədindən keçməsinin asanlaşdırılması məsələlərini müzakirə etmək üçün efiopiyalı həmkarı ilə əlaqə saxlayıb.

M.Çavuşoğlu bildirib ki, Türkiyə həmçinin 13 ölkənin 110 vətəndaşının münaqişələrin hökm sürdüyü Sudandan təxliyəsinə kömək edib.