Bakıda mağazadan 60 min manatlıq oğurluq edilib.
Daxili İşlər Nazirliyindən verilən məlumata görə, Nərimanov RPİ-nin 17-ci Polis Şöbəsinə Z.Bünyadov prospektində yerləşən mağazalardan birinin anbarından 60.000 manat dəyərində elektrik məhsullarının oğurlanması barədə müraciət daxil olub.
Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən mağazanın keçmiş işçisi Mahmud Qarayev saxlanılıb.
Faktla əlaqədar cinayət işi başlanıb.