Afrikanın cənubunda rekord şaxta qeydə alındı

Dünya
25 Tem 2021
12:43
Afrikanın cənubunda rekord şaxta qeydə alındı


Cənubi Afrika Respublikasının (CAR) qış fəsli olan mərkəzi hissəsində minimum isti hava qeydə alınıb.

Bu barədə yerli radio stansiyası SABC CAR-ın hava xidmətinə istinadla xəbər yayıb.

Sinoptiklərin bildirdiyinə görə, 24 iyul gecəsi ölkənin 19 bölgəsində ən az isti hava tarixi rekordu qırılıb.

Kimberley şəhərində və ətraf bölgələrdə şaxta mənfi 9,9 Selsi dərəcəyə çatıb. Bütün meteoroloji müşahidələr dövründə belə kəskin soyuq hava olmayıb. Yohannesburqda dünən gecə havanın temperaturu mənfi yeddi dərəcəyə düşüb.

Bundan əvvəl soyuq hava rekordu- 6,3 dərəcə, 19 iyul 1995-ci ildə Yohannesburqda qeydə alınıb.

Uzun illərdən bəri ilk dəfə Cənubi Afrikanın müxtəlif bölgələrinə qar yağıb. Uşaqlar və yeniyetmələr bu ərazilərdə qar yağışını ilk dəfə görüblər. Buzlanma səbəbindən çox sayda magistral yol bağlanıb.

İndiki şaxtalar Afrikanın cənubuna Antarktidadan gəlib. Soyuq havanın Cənubi Afrikada bir həftə də davam edəcəyi gözlənilir.